ISLOM HUQUQI TIZIMIDA INSON HUQUQLARI

Abstract

Ushbu maqolada islom huquqida yoritib berilgan inson huquqlari va undagi institutsional sohalar haqida so‘z boradi. Inson huquqini amalda ta’minlashni xalqaro institutlar va asosiy xalqaro hujjatlarsiz tasavvur etib bo‘lmaydi. Inson huquqi bo‘yicha xalqaro institutlarning huquqiy maqomida va asosiy xalqaro hujjatlarning mazmunida inson huquqini himoya qilishning talablari va mexanizmi belgilab berilgan bo‘ladi. Inson huquqi islom ta’limotida muhim oʻrin egallaydi. Qur’oni karim va hadisi shariflarda inson qadr-qimmati, haq-huquqlari masalasiga alohida keng oʻrin berilgan. Unda insonning shaxsiy, ijtimoiy huquqlari shariat qonun-qoidalari asosida
bayon qilingan. O‘rta asrlarda Movarounnahrda yashab ijod qilgan allomalarimiz Majduddin Muhammad Ustrushaniy kabi buyuk mutafakkirlarimizning hozirgi kunda G‘arb olimlaridan uch asr avval «Bola huquqlari»ga doir ilk fundamental asar sohibi ekanini ko‘rishimiz mumkin. Bu Majduddin Muhammad Usturshaniy asarlarining ilmiy qiymatini yanada oshirib, uni inson huquqlarining muhim segmentlaridan birini tashkil etiladigan yuvenal huquq, ya’ni bolalar huquqi ilmiy yo‘nalishining shakllanishi tarixi bo‘yicha benazir manbaga aylantiradi.